預祝母親節

晴 熱

今日係〔青年節〕，加上係媽咪一早安排下，大伙兒：包括我地一家三口、公公、婆婆，大舅父一家人和細舅父（佢仲要返夜更都黎呀，真俾面）一齊預祝母親節。

大家係我未游完水已經到達了（好早噃，祇得我地一班人，所以特別好招呼），其實媽咪一直怕約得太早唔係幾好意思，但係大家都肯配合我午睡和晚上早睡嘅習慣，更在約定時間相繼出現，唔駛浪費時間去＜等＞，真係太好了！

飲完茶之後，仲一齊去打保齡球，由於早嘅關係，唔駛排隊去輪候。 雖然我搬唔郁個波，但係見大家玩得咁開心，我同表姐都好開心，公公身痕想試吓（佢未試玩過呀），於是俾佢試咗幾球，真係驚佢會弄傷手呀！

之後兩位老人家先行回家，留低我地係度繼續玩，離開時仲遇到步操遊行到大球場，好好睇，不過太熱呢！

由於我下晝仲要上堂，於是大家就打算等我放學後再玩過，祇不過唔係出街食飯，而係婆婆佢下廚煮晚飯，咁點算慶祝呀，不過冇辦法啦，老人家係咁，總之一家人圍埋一齊食飯(而又唔駛後生花錢就得)、就開心了，煮得開心嘅我地仲開心啦。

又要回家了，我仲約舅父下個禮拜母親節再玩過呀！