家樂徑

晴 有風

今日適逢 [五一勞動節]，去勞動啦，出發去也！　

但係冇估到香港地原來人人都勞動，條街全係一堆堆人，千辛萬苦和大家迫入南丫島，仲巧遇小朋友Alicia（佢今年就三歲，入學了）和佢法籍媽咪呀。　

食完一個豐富嘅Brunch之後，就開始我人生第一次正式踏足家樂徑。　此言非輕，全程係由我一個行哂，絕不假手於人（冇人抱住黎行），此舉乃係我人生第一個創舉！！當然要多謝爹哋嘅激勵啦！　

回港途中，在媽咪體力不支嘅情形影響下，我都倒下了（沉睡在甜夢中）。雖然這個午睡遲了，但係總算小休一會而又不阻礙我晚上正常睡眠時間，大功告成！

爹哋話下次同我上“小馬山”，媽咪即刻‘嘩’咗一聲就彈開了。