悶熱 濕度高
好高興原本今日唔駛返學,不過就要去參加高班同學嘅畢業典禮,一早要去沙田大會堂。 皆因我要上台領獎,老師覺得我今年度表現尚可,故就送我一個獎勵:表現優異獎。
好榮幸每班都有三個小朋友得到呢個獎,我就係其中一個。 公公仲專登黎睇我領獎,分享喜悅。 不過我唔會因此自滿,因為我目標係{優異生},高班云云畢業生中祇有兩個,努力啦!
2008年5月26日星期一
2008年5月17日星期六
東堤
陰
長洲,我曾提出想去嘅,但礙於時間問題,總係無緣到訪,在毫無準備嘅情形下,三口子終於到此一遊! 爹哋媽咪上次到訪已經差不多五年前,為咗睇太平清醮飄色遊行,事隔多年,長洲雖然變咗好多,但我嘅目的地祇有一個:沙灘。
天氣仍然有點涼,故祇好留在岸邊而不能暢泳了,等我同爹哋有一個難忘嘅下午。
長洲,我曾提出想去嘅,但礙於時間問題,總係無緣到訪,在毫無準備嘅情形下,三口子終於到此一遊! 爹哋媽咪上次到訪已經差不多五年前,為咗睇太平清醮飄色遊行,事隔多年,長洲雖然變咗好多,但我嘅目的地祇有一個:沙灘。
天氣仍然有點涼,故祇好留在岸邊而不能暢泳了,等我同爹哋有一個難忘嘅下午。
2008年5月12日星期一
2008年5月7日星期三
小小記者
2008年5月4日星期日
預祝母親節
晴 熱
今日係〔青年節〕,加上係媽咪一早安排下,大伙兒:包括我地一家三口、公公、婆婆,大舅父一家人和細舅父(佢仲要返夜更都黎呀,真俾面)一齊預祝母親節。
大家係我未游完水已經到達了(好早噃,祇得我地一班人,所以特別好招呼),其實媽咪一直怕約得太早唔係幾好意思,但係大家都肯配合我午睡和晚上早睡嘅習慣,更在約定時間相繼出現,唔駛浪費時間去<等>,真係太好了!
飲完茶之後,仲一齊去打保齡球,由於早嘅關係,唔駛排隊去輪候。 雖然我搬唔郁個波,但係見大家玩得咁開心,我同表姐都好開心,公公身痕想試吓(佢未試玩過呀),於是俾佢試咗幾球,真係驚佢會弄傷手呀!
之後兩位老人家先行回家,留低我地係度繼續玩,離開時仲遇到步操遊行到大球場,好好睇,不過太熱呢!
由於我下晝仲要上堂,於是大家就打算等我放學後再玩過,祇不過唔係出街食飯,而係婆婆佢下廚煮晚飯,咁點算慶祝呀,不過冇辦法啦,老人家係咁,總之一家人圍埋一齊食飯(而又唔駛後生花錢就得)、就開心了,煮得開心嘅我地仲開心啦。
又要回家了,我仲約舅父下個禮拜母親節再玩過呀!
2008年5月2日星期五
北京奧運 - 香港站傳聖火
有微雨
我想係第120號選手,以上係今日我午睡之後同媽咪係屋企度睇傳聖火時嘅對話,天真嗎?
因為中午食飯時見到有個十歲小朋友係青馬觀景台已經跑咗一程,點解我唔得? 學校今日放假喎,終於係媽咪詳細解釋之後,明白我真係冇份跑之後就返入房睇書。
其實今朝我已經去咗公園玩咗一陣,根本冇投入到活動中,祇不過見到我又去亂講咋....真係笑死街坊了,包括媽咪。
我想係第120號選手,以上係今日我午睡之後同媽咪係屋企度睇傳聖火時嘅對話,天真嗎?
因為中午食飯時見到有個十歲小朋友係青馬觀景台已經跑咗一程,點解我唔得? 學校今日放假喎,終於係媽咪詳細解釋之後,明白我真係冇份跑之後就返入房睇書。
其實今朝我已經去咗公園玩咗一陣,根本冇投入到活動中,祇不過見到我又去亂講咋....真係笑死街坊了,包括媽咪。
2008年5月1日星期四
家樂徑
晴 有風
今日適逢 [五一勞動節],去勞動啦,出發去也!
但係冇估到香港地原來人人都勞動,條街全係一堆堆人,千辛萬苦和大家迫入南丫島,仲巧遇小朋友Alicia(佢今年就三歲,入學了)和佢法籍媽咪呀。
食完一個豐富嘅Brunch之後,就開始我人生第一次正式踏足家樂徑。 此言非輕,全程係由我一個行哂,絕不假手於人(冇人抱住黎行),此舉乃係我人生第一個創舉!!當然要多謝爹哋嘅激勵啦!
回港途中,在媽咪體力不支嘅情形影響下,我都倒下了(沉睡在甜夢中)。雖然這個午睡遲了,但係總算小休一會而又不阻礙我晚上正常睡眠時間,大功告成!
爹哋話下次同我上“小馬山”,媽咪即刻‘嘩’咗一聲就彈開了。
今日適逢 [五一勞動節],去勞動啦,出發去也!
但係冇估到香港地原來人人都勞動,條街全係一堆堆人,千辛萬苦和大家迫入南丫島,仲巧遇小朋友Alicia(佢今年就三歲,入學了)和佢法籍媽咪呀。
食完一個豐富嘅Brunch之後,就開始我人生第一次正式踏足家樂徑。 此言非輕,全程係由我一個行哂,絕不假手於人(冇人抱住黎行),此舉乃係我人生第一個創舉!!當然要多謝爹哋嘅激勵啦!
回港途中,在媽咪體力不支嘅情形影響下,我都倒下了(沉睡在甜夢中)。雖然這個午睡遲了,但係總算小休一會而又不阻礙我晚上正常睡眠時間,大功告成!
爹哋話下次同我上“小馬山”,媽咪即刻‘嘩’咗一聲就彈開了。
訂閱:
文章 (Atom)