昂坪大佛 （陰天、 寒冷）

二零零七年四月四日　陰、有雨

雖然已經由澳門返來，但趁大人假期未開始，我地就趕去搭昂坪３６０，唔駛迫！　雖然位處大嶼山，但可以先去東涌再坐吊車，勁開心，高處不勝寒（真係由心果處凍出來），總算又係另一個體驗，皆因我自己一個人行樓梯去拜大佛，唔駛媽咪抱上去！週圍逛街，幾新奇噃，可惜回程時已經不支瞓左，故最後去左機場繼續逛，原來機場好多好大的英文字母。

渡假去也！

二零零七年四月一日 ( 陰、有雨 )

媽咪同爹哋話佢好耐冇去渡假喎，話時話我咁大個仔都未試個去渡假噃，不如試吓近近地的澳門啦！要住酒店！！

於是媽咪就即刻訂左酒店，只係坐船去就得了！仲有專車接送的。酒店個姐姐仲送左隻長頸鹿俾我呀！無驚無險、悠悠閒地就過左三日兩夜了，雖然媽咪驚我瞓唔慣“生保床”，但係日間連串的活動已經令我勞心勞力了：游水、活動室的爬山同户外活動，不用多久下午小睡和晚飯後就呼呼入睡，美中不足就係半夜“無啦啦”高燒，不過一瞓醒覺就冇哂事了！
歡樂時光總係過得特別快，又係時候講“拜拜”，雖然今次係令到爹哋大破費，但又有幾可離開渡假去，有機會就會再試過，不過下次要坐飛機的，嘻嘻，爹哋努力呀！