我已經成名啦！

二零零七年六月三十日　陰、有雨

　　唔經唔覺，我返左幼兒園已經有差唔多一年啦，歡樂時光真係過得好快呀！今年九月就要升上幼稚園啦，過一些正式的學校生活了。

　　雖然我仲係好細個，不過幼兒園請左我地做畢業典禮的表演嘉賓呀，真係好開心，仲都用左好多時間，又要度身做衫，又要排舞，忙得不可開交，記步法都好難，唔可以係屋企練，驚媽咪偷偷地學識呀！

　　經過連日練習，有點攰，尋日下晝瞓醒之後發高燒，有四十幾度呀，不過攪左一晚，食過退燒藥，冇事啦！　

　　終於到左今日正式表演，要一早返幼兒園再坐車去場地彩排，好認真呢，同時我仲得到一個〔進步獎〕，要上台領獎呀！

　　等表演完，由爹哋、媽咪係後台接我走。要去食飯，不過週圍都冇位，要去麥記食魚柳飽，不過夜晚爹哋係我放左音樂堂之後，請左我去食大餐慶祝！