休閒嘅下晝

有雨 濕度高

上個禮拜因為黑雨，所以冇上堂，點知尋晚又紅雨喎，好彩臨天光已經取消警號，可以去玩了，但係天氣依然唔係咁好，所以爹哋冇帶相機陪我上堂。

放學嘅時候，爹哋話趁今日天氣唔係咁好，不如食過早飯後去海洋公園探熊貓。 真係奇，上個月母親節前夕又係去海洋公園，今個月父親節前夕又係去海洋公園噃，不過今日因為唔係有好多遊客，加上又落雨，所以就好〔舒服〕，唔駛“迫”同排隊。　而且又係開始玩嘅之前小睡了二十分鐘（多謝司機叔叔淮我地留係架車度小休），不過祇係純粹遊玩，故只拍了三張相！