二零零六年八月十八日 (星期五) - 陰、 悶熱今朝返學，唔覺意地又喊左兩分鐘呀，我諗遲 d 就唔會再喊啦！
媽咪接左我之後話同我去海洋公園呀，於是爭取時間係車內小休左半小時。今次主要係睇海洋生物，所以就係大樹灣泊低架車。 先去搭登山電梯，去”太平洋海岸”睇海獅和海豹、再去”海洋劇場”睇三點半場表演，主角有海豚和海獅，跟住就去左灣景餐廳休息，食點水果，爹哋同媽咪都熱到幾乎中暑呀，我：好彩幾乎全程有爹哋 抱，否則亦難頂，皆因實在太多遊客了，而且大部份都冇禮貌。
之後去左鯊魚館和水母館，尚可以盡興！ 今次仲坐埋海洋摩天塔，居高臨下， 美景盡在眼前！嘩，已經係六點幾啦，又要返屋企！媽咪話不如係集古村酒樓食埋飯先走喎，但係返到屋企已經八點半，又要沖涼、瞓覺，累死人！
沒有留言:
發佈留言